केंद्र शासनाने १२ व्या पंचवार्षिक योजनेंतर्गत विविध कार्यक्रमांचे एकत्रीकरण करुन पंचायतीराज व्यवस्थेच्या बळकटीकरणासाठी “राजीव गांधी पंचायत सशक्तीकरण अभियान-आरजीपीएसए” हा एकछत्री कार्यक्रम सन २०१३-२०१८ या कालावधीत दिनांक: ३ मार्च, २०१४ च्या शासन निर्णयान्वये राज्यात राबविला.
सन २०१८-२०१९ ते सन २०२१ -२०२२ या कालावधीत या योजनेचे पुनर्गठन करुन “राष्ट्रीय ग्राम स्वराज अभियान” ही केंद्र पुरस्कृत योजना दिनांक: २० फ़ेब्रुवारी, २०१९ च्या शासन निर्णयान्वये राज्यात राबविण्यात आली. केंद्र शासनाने यात काही सुधारणा करुन दिनांक- ०१.०४.२०२२ ते दि.३१.०३.२०२६ या कालावधीमध्ये “पुनर्रचित राष्ट्रीय ग्राम स्वराज अभियान” अशी योजना जाहीर केलेली आहे. सदर योजना केंद्र शासन पुरस्कृत असून या योजनेच्या निधीचे प्रमाण हे केंद्र हिस्सा ६० % व राज्य हिस्सा ४०% असे आहे. दिनांक: १६ सप्टेंबर, २०२२ रोजी ग्राम विकास विभाग, महाराष्ट्र शासन यांनी राज्यात या योजनेच्या अंमलबजावणीसाठी शासन निर्णय निर्गमित केला आहे.